‏میتھی دانے کا تعارف اور فوائد

‏میتھی دانے کا تعارف اور فوائد

بے شمار گھروں میں میتھی دانے کی افادیت معلوم نہ ہونے کی وجہ سے اس کو استعمال نہیں کیا جاتا۔ لیکن آج آپ اس کے فوائد جاننے کے بعد اس کو باقاعدگی کے ساتھ استعمال کرنے پر مجبور ہوجائیں گے

میتھی دانہ کے 9 طبی فوائد

سینکڑوں سالوں سے میتھی دانہ کو بطور غذا اور بہت سے طبی فوائد حاصل کرنے کے لیے استعمال کیا جا رہا ہے۔ میتھی دانہ اور میتھی سبزی کے باقاعدہ استعمال سے قوتِ مدافعت کی مضبوطی میں اضافہ ہوتا ہے جس کے نتیجے میں بہت سی وائرل اور موسمی بیماریوں سے بچاؤ میں مدد ملتی ہے۔

بے شمار گھروں میں میتھی دانے کی افادیت معلوم نہ ہونے کی وجہ سے اس کو استعمال نہیں کیا جاتا۔ لیکن آج آپ اس کے فوائد جاننے کے بعد اس کو باقاعدگی کے ساتھ استعمال کرنے پر مجبور ہو جائیں گے۔

میتھی دانے کے فوائد

ذیابیطس کے مرض میں مفید

وزن کم کرنے میں مددگار

مردوں کی تولیدی صحت میں بہتری

بالوں کی صحت کے لیے مفید

ماں کے دودھ میں اضافہ

ہاضمے کے لیے مفید

رنگت کی دلکشی میں اضافہ

چھاتی کے سائز میں اضافہ

ورم کش خصوصیات کا حامل

میتھی دانے کے فوائد

میتھی دانہ کو اگر باقاعدگی کے ساتھ ہر روز متوازن مقدار میں استعمال کیا جائے تو مندرجہ ذیل فوائد حاصل کیے جا سکتے ہیں۔

ذیابیطس کے مرض میں مفید

میتھی دانہ میٹابولک بیماریوں جیسا کہ ذیابیطس کے مرض کو کنٹرول کرنے میں مددگار ثابت ہو سکتا ہے، اسی طرح خشک آلو بخارا بھی ذیابیطس کے مرض میں مفید ہوتا ہے۔

طبی تحقیقات میں یہ بات سامنے آئی ہے کہ میتھی دانہ ذیابیطس ٹائپ ون اور ٹائپ ٹو دونوں کے لیے مفید ہے۔ ایک تحقیق کے مطابق ذیابیطس ٹائپ ون کے شکار مریضوں کو دوپہر اور رات کے کھانے کے بعد پچاس گرام میتھی دانہ کا سفوف استعمال کروایا گیا۔ دس دنوں بعد ان مریضوں کے بلڈ شوگر میں بہتری آئی اور جسم میں موجود نقصان دہ کولیسٹرول کی مقدار میں واضح کمی آئی۔

ایک اور طبی تحقیق کے مطابق ایسے افراد کو میتھی دانہ کا استعمال کروایا گیا جو ذیابیطس کے مرض کا شکار نہیں تھے، اس کو استعمال کرنے کے بعد ان افراد کے بلڈ شوگر میں چار گھنٹے بعد تقریباً ساڑھے تیرہ فیصد تک کمی آئی۔ اس کے علاوہ میتھی دانہ کے استعمال سے انسولین کے افعال میں بھی بہتری آتی ہے، جب کہ اس میں فائبر بھی کافی مقدار میں پایا جاتا ہے۔

وزن کم کرنے میں مددگار

بڑھے ہوئے وزن کی وجہ سے بہت سی بیماریوں کا سامنا کرنا پڑتا ہے، حتی کہ کچھ بیماریاں جان لیوا بھی ثابت ہو سکتی ہیں۔ میتھی دانہ میں بہت فائدہ مند فائبر پایا جاتا ہے جس کی وجہ سے بھوک کی شدت میں کمی آتی ہے۔ اگر آپ اس کو باقاعدگی کے ساتھ استعمال کریں تو آپ کے وزن میں کمی آنا شروع ہو جائے گی۔

میتھی دانہ کا پانی بھی وزن کو کم کرنے میں مدد فراہم کرتا ہے۔ اگر رات کو ایک گلاس پانی میں ایک چمچ میتھی دانہ بھگو کر رکھ دیا جائے اور صبح اس پانی کو نہار منہ پی لیا جائے تو جسم میں پانی کی کمی واقع نہیں ہوتی۔

مردوں کی تولیدی صحت میں بہتری

میتھی دانہ سے بنے ہوائے سپلیمنٹس استعمال کرنے سے مردوں میں ایک ٹیسٹوسٹیرون نامی ہارمون میں اضافہ ہوتا ہے جو تولیدی صحت کے لیے ضروری سمجھا جاتا ہے۔ ایک طبی تحقیق کے مطابق مردوں کو پانچ سو ملی گرام میتھی دانہ استعمال کروایا گیا۔ نتائج سے واضح ہوا کہ اس کو استعمال کرنے سے اس ہارمون کی سطح میں اضافہ ہوا اور اس کے ساتھ ساتھ چربی میں بھی دو فیصد کمی آئی۔اس کے علاوہ میتھی دانہ کے ایکسٹریکٹ کو بھی استعمال کرنے سے مردوں کی تولیدی صحت میں بہتری آتی ہے۔